Eftir nokkra daga í borginni við sundin blá er nú hugurinn farinn að sækja í sveitaloftið og náði ég að svala þessari þörf nokkuð um helgina þegar ég fór austur í Kvisti og datt inn í reiðtúr með ferðaklúbbnum FAXE um sveitir suðurlands. Ég fór svo auðvitað að kíkja á Lukku-Láka og smellti af nokkrum römmum enda gullfallegt folald og á eftir að verða vinsæll. Á föstudaginn varð svo Freyja mín þriggja ára og er hún orðin mjög mikil dama, hætt að nota snuð og gaf hún fuglunum í Lundi öll snuðin sín !! Í gærkveldi fór ég svo að hitta Höllu og Lindu og við skelltum okkur svo aðeins í bæinn og hittum þar fleira skemmtilegt fólk og þar á meðal Val vin minn frá Hrauni og það var nú ekki lítið gaman að hitta kallinn eftir allavega hundrað ár. Dagurinn í dag var svo tekinn í það að gera ekki neitt nema að borða heima hjá Halldóru og svo skelltum við Jónsi okkur út að hlaupa í Laugardalnum og svo auðvitað í sund enda er það eitt af því sem maður hefur saknað hvað mest, sund.Á þriðjudag er svo stefnan sett á Stóra-Vatnsskarð og er nú kominn tími til að fara að koma sér þangað enda margt sem þarf að gera.
….og auðvitað stóð íslenska þjóðin á öndinni þegar IcelandExpress vélin setti niður hjólin og það var ljóst að Guðmundur og hans fríða föruneyti var komið til landsins. Af einstakri kurteis heilsuðu suðurnesjin ferðalöngum með rigningarsudda og súld og flugfreyjan sagði mine dame og herre, velkomen till island, so nice to be home Síðan þá hefur nú ýmislegt verið brallað, fjölskyldan verið heimsótt í gríð og erg sem og vinir og kunningar og vona ég að það sé nú bara rétt að byrja. Í kvöld voru svo báðar stelpurnar hjá mér aftur og við höfðum það svo kósí að ég þarf sennilega að sofa ofan á snakkmylsnu í nótt, en hvað er ekki gert kvöldið fyrir afmæli til að hafa það nógu kósí ? Á morgunn verður svo örverpið mitt þriggja ára og fagnar deginum með móðurfólki sínu í Torfufellinu og er þá sennilega vikulöngu afmælisferli senn lokið!!
Framundan er svo áframhaldandi heimsóknir til vina og skildmenna, sveitadvöl, fjölskyldumót og mikið stuð í allt sumar Minni svo auðvitað á myndasíðurnar mínar sem munu vonandi gildna all svakalega í sumar þar sem Ísland er jú svo fótógenískt !!! Endum svo þessa færslu á tveggja lína eyðu til að minnast…………
Jæja það var þreytt en sæl dama sem sofnaði snuddulaus eftir mjög skemmtilegan “afmælisdag” og eins og Vaka vinkona hennar, með barbie dúkku í hendinni. Dagurinn byrjaði með því að við Karen gáfum henni Hello Kitty hlaupahjól og sú varð nú hissa, þrátt fyrir að hafa verið búin að biðja um þetta í marga mánuði. Eftir að hafa tekið skeifnasprettinn á nýja hlaupahjólinu um kjammann, skellti Freyja sér í lúr og svo hófst sjálft afmælið. Í stuttu málið var veðrið yndislegt, veitingarnar frábærar (takk Herborg og Jara), gestirnir skemmtilegir og afmælisdömurnar til fyrirmyndar í alla staði. Þegar leið á afmælið tætti Freyja sig svo úr skóm og sokkabuxum og valsaði um garðinn þangað til hún steig í kattarskít og angaði sem slíkur og var því fjarlægð fljótlega og heim í bað!! Eftir það var svo klárað að taka upp pakkana og meðal annars kom upp úr pakka hljóðnemi og statíf sem vakti mikla lukku enda búið að standa til lengi að kaupa svoleiðis handa litlu söngkonunni. Eftir nokkra tónleika, kvöldmat og sprell datt hún svo út af, snuddulaus, með það loforð frá föðurnum að fá hnetur og súkkulaðirúsínur strax í fyrramálið yfir góðri mynd með Línu, en það var búið að standa til að parkera öllum snuddum þegar hún yrði 3ára og það var sennilega í dag að hennar mati.
Á morgunn er svo planið að spássera um Malmö og líta m.a. á Tourning Torso turninn. Þangað til næst, lifið heil.
Eftir nokkra daga í borginni við sundin blá er nú hugurinn farinn að sækja í sveitaloftið og náði ég að svala þessari þörf nokkuð um helgina þegar ég fór austur í Kvisti og datt inn í reiðtúr með ferðaklúbbnum FAXE um sveitir suðurlands. Ég fór svo auðvitað að kíkja á Lukku-Láka og smellti af nokkrum römmum enda gullfallegt folald og á eftir að verða vinsæll. Á föstudaginn varð svo Freyja mín þriggja ára og er hún orðin mjög mikil dama, hætt að nota snuð og gaf hún fuglunum í Lundi öll snuðin sín !! Í gærkveldi fór ég svo að hitta Höllu og Lindu og við skelltum okkur svo aðeins í bæinn og hittum þar fleira skemmtilegt fólk og þar á meðal Val vin minn frá Hrauni og það var nú ekki lítið gaman að hitta kallinn eftir allavega hundrað ár. Dagurinn í dag var svo tekinn í það að gera ekki neitt nema að borða heima hjá Halldóru og svo skelltum við Jónsi okkur út að hlaupa í Laugardalnum og svo auðvitað í sund enda er það eitt af því sem maður hefur saknað hvað mest, sund.Á þriðjudag er svo stefnan sett á Stóra-Vatnsskarð og er nú kominn tími til að fara að koma sér þangað enda margt sem þarf að gera.
Síðan þá hefur nú ýmislegt verið brallað, fjölskyldan verið heimsótt í gríð og erg sem og vinir og kunningar og vona ég að það sé nú bara rétt að byrja. Í kvöld voru svo báðar stelpurnar hjá mér aftur og við höfðum það svo kósí að ég þarf sennilega að sofa ofan á snakkmylsnu í nótt, en hvað er ekki gert kvöldið fyrir afmæli til að hafa það nógu kósí ? Á morgunn verður svo örverpið mitt þriggja ára og fagnar deginum með móðurfólki sínu í Torfufellinu og er þá sennilega vikulöngu afmælisferli senn lokið!!
Síðustu athugasemdir