LETIDÝR Í LUNDI

Jæja eins og margir vita nú þegar þá hófst dagurinn svo sannarlega með látum.  Ég hrökk upp við það að það er sparkað duglega í mig eða rúmið, eða það hélt ég allavega.  Eftir að hafa hent sænginni á gólfið og hlaupið eftir Freyju fattaði ég samt að þetta var jarðskjálfti.  Það varð lítið um svefn eftir þetta þar sem Freyja var vöknuð og tók ekki í mál að vera að fara að sofa eftir svoa stuð.  Klukkan átta var svo seinna prófið sem ég tók þetta haustið og í stuttu máli er því lokið og ekki orð um það meir.  Það hefur svo verið fallið frá því að fjölskyldan fari til Florida um áramótin og þess í stað verður farið til Íslands sem er auðvitað engu síðra, ég hlakka allavega til að koma í sveitina mína sem allra fyrst og anda að mér skagfirsku sveitalofti.  Í dag tók svo Freyja upp á því að vera lasin heima með smá hita og hósta og geri ég ráð fyrir að vera heima með henni á morgun en svo fer hún nú kanski á leikskóla svo ég geti farið að kaupa jólatré og pakka.Um síðustu helgi var svo Ásta systir í heimsókn hjá okkur og var það alveg frábært þrátt fyrir að það væri aðeis of mikið að gera í próflestri og ekki nógur tími til að sinna gestum, það er því vonandi að hún komi sem fyrst aftur í heimsókn.  En framundan eru rólegheit hjá mér og smá jólaundirbúningur.  Ég sendi svo öllum sem voru að klára próf eða eru alveg að fara að klára próf hamingjuóskir og ykkur hinum einnig bestu jólakveðjur frá Lundi, Gummi skjálfti.

Jæja þá er komið að því, í kvöld fljúgum við heim til Íslands (ef það verða ekki þess meiri tafir hjá Express).  Skemmtilegt sumar í Svíþjóð er að baki og margt hefur verið gert og skoðað á þessum tæpu tveimur mánuðum og nú tekur við túrismi um Ísland.

Eins og flestir vita fór ég á Hróaskeldu í byrjun mánaðarins og var það algjörlega mögnuð lífsreynsla sem ég hefði ekki vilja missa af þó svo að ég væri þreyttur og bitinn eftir ferðina í Dalina.  Hápunktarnir á sviðinu voru m.a. Radiohead, Lykke Li, Kings of Leon, Neil Young og Band of Horses.  Veðrið var algjör draumur og eina sem var hægt að kvarta yfir var of mikill hiti en það gerir maður auðvitað ekki.

Strax á miðvikudagi eftir hátíðina kom svo Ásta Nína í heimsókn og var fram á sunnudag.  Freyja var mjög spennt að “Ásta Nína frænka sína” kæmi og svæfi í herbergi með henni en svo varð nú daman eitthvað feimin fyrstu nóttina og fékk að vera  hjá pabba og mömmu í staðinn, þeim til mikillar “ánægju”.  Við leigðum svo Volvo v50 hjá Hertz og keyrðum um Skán og fórum m.a. í Båstad þar sem var Mónakó stemmning vegna Sweden-open í tennis.  Eins fórum við yfir að Eistrasaltinu og skoðuðum Stenhuvuds þjóðgarðinn sem þar liggur og skartar dásamlegri strönd.  Annars reyndum við að kynna Ástu fyrir letilífinu í Lundi og sýndist mér hún aðlagast ágætlega svo nú er bara að finna doktorsnám fyrir hana við LU.

Við hlökkum svo til að sjá ykkur sem flest á Íslandi næstu vikurnar og þið getið náð í okkur í okkar íslensku númerunum á meðan á dvöl stendur.  Ég skellti svo inn albúmum frá Hróaskeldu, heimsókn Ástu og myndum af Lukku á landsmóti frá Ástu á myndasíðuna.

After a fun summer in Sweden it is time to go home to Iceland and meet friends and family so this evening we have a booked flight home.

As you probably know I went to Roskilde-festival in the beginning of the month and it was brilliant and something I have wanted to do for  years.  The bands were great and among others the most memorable were: Radiohead, Lykke Li, Kings of Leon, Neil Young and Band of Horses.

Few days after I returned from Roskilde my sister Ásta Nína came to visit us for few days and  we were all looking forward to meet her , especially Freyja Björk who shared a room with her.  We hired a car and drove around Scania and looked at among other: Båstad and Stenhuvuds national park.

I added three albums to the photo page containing images from Roskilde, Ásta’s visit and photos Ásta took of Lukka in Iceland.

Hróaskelda 2008

Lukka á Landsmóti 2008

Ásta í heimsókn í Lund sumar 2008

Eins og svo margir vita hef ég mikið gaman af tónlist og er oftast að hlusta á eitthvað og ef ekki þá að söngla eitthvað annað, við misgóðar undirtektir.  Í ljósi þessarar staðreynda er gaman að segja frá því að í dag var blað brotið í tónlistarsögu minni þar sem ég keypti mér miða á Hróarskeldu hátíðina í sumar.  Það eru komin all nokkur skemmtileg númer og einhver eiga víst eftir að bætast við.  Aðal númerið enn sem komið er verður að teljast þeir félagar í Radiohead og ólíklegt að einhver komi til með að velta þeim úr sessi.  Aðra má nefna, svo sem Nick Cave, Neil Young, Kings of Leon, Band of horses, The Chemical Brothers, Streets, Teit þann færeyska að ógleymdum ellirokkurunum í Judas Priest.

Við erum hér fjórir á Kjammanum sem ætlum að fara saman á hátíðina og nú er verið að vinna í að redda tjöldum og helsta viðlegubúnaði.  Svo er auðvitað farið að telja niður og vonandi verð ég ekki búin að týna miðanum þegar að þessu kemur.

Myndin er fengin á íslensku Hróarskeldu síðunni